mercoledì 23 novembre 2016

'N funnu a la fera

Ciciriciàri, sia a destra ca a manca
e nui macari ca ciciriciàmu:
dintra sta fera parramu, parramu
e cchiù la ucca dê jammi si stanca.

Jocanu tutti, macari cô focu
picchì u pinseru di stari e passari
supra sta chiazza cunzata ‘i chiazzari
nun si susteni, ma mancu pi pocu.

Fratuzzu miu, tu camina cchiù avanti
e nun pinsari ca tuttu ccà è vanu;
speru ca n’ jornu, luvannu li scanti,

‘n funnu a la fera, tu m’iserai a manu
e dirai a mïa, rirennu cchiù forti:
«Vinciu l’Amuri, macari câ morti». 

lunedì 14 novembre 2016

A mio figlio

Se le mie frasi sconnesse e disperse
ti suoneranno n'anticchia stunate 
pensa che amiamo con lingue diverse,
pensa che andiamo su strade spaiate.

Forse davanti la strada che sudo
non capirai le mie mezze parole,
tutti i miei passi che mettono a nudo
l'anima nata e bruciata nel sole.

Quando vedrai che cammino più lento
tu, figlio caro, non starmi a guardare
ma corri forte e cavalca il tuo vento

corri là dove non posso arrivare:
l'eco che rimbomberà più lontano
dentro ti bolle nel sangue isolano.

martedì 1 novembre 2016

Umbria

Quannu ccà arrivai 'i luntanu
mi pigghiasti a tumpulati
cu sti virdi e santi manu,
cu sti petri 'nzuccarati:
senza addumannari nenti
mi stinnevi nu tappitu
chinu 'i sogni, chinu 'i genti
e pigghiasti a mia pi zitu.

Comu a quelli ca nel mare
câ varcuzza vanno avanti
e non sanu dove andare
cu li reti ormai vacanti,
ju circava un porto amato 
dove l'àncora ancurari,
e alla fine son sbarcato
su una terra senza mari.

Senza mare m'ê 'mparato
il colore de' tramonti,
tutto l'oro che hai serbato
sopra i campi e nto li monti:
or che i tribbli enno tanti
e se sguilla e bubbla assai
tu t'intigni a dimme: "Avanti,
de morì n' se more mai".

giovedì 14 luglio 2016

Binnu

Leggiu a leggiu, mutu mutu,
ni futtisti a tutti pari,
tu ca 'i merda n'ha' inchiutu
strati, chiazzi, scogghi e mari;
bestia vili, vecchiu pazzu
'n faccia a morti, ti spiassi:
"Chi ci uscasti, curnutazzu,
su fineru ccà i to passi?"

Ma dumanni ci nn'è picca
stamu muti pi rispettu
nun pi tia, ma pi la ricca
Signuruzza, niura 'n pettu,
ca livedda tutti cosi:
l'assassini e l'innuccenti
tutti 'nsemmula li vosi
cu si chiama Onniputenti.

E tu a leggiu, mutu mutu
ni futtisti tutti pari:
ccà davanti ô to tabbutu
nun c'è nenti da pruvari,
nun c'è amuri, nun c'è raggia
nun c'è mancu cchiù cuscenza.
Ni chiuristi ndà na caggia
china 'i vota indifferenza.

lunedì 23 maggio 2016

Jaddini e falconi

Stujativi u musu,
signori e assissori:
ndà l'acqua u purtusu
si stampa e poi mori.

Su la malavita
l'aviti stampata
ndâ facci e ndà l'ita,
nun c'è sciniggiata,
mimoria, duluri
e mancu giustizzia:
prijati u Signuri
e jittati munnizza.

Piulàti, mischini:
pâ rivoluzzioni 
su' tanti i jaddini
ma picca i falconi.  

giovedì 19 maggio 2016

U giganti dê gilati

U suli ca spaccava puru i strati
ni cunsumava i scarpi, l'uti e l'occhi,
e u sancu ca culava dê rinocchi
nun era ca a sustanza di l'estati:

e 'n menzu a pugni, cavuci e pirati
parevi nu giganti, e nui i pirocchi;
vattiavi lu bancuni cu li nocchi
n'arrifriscavi i cori chê gilati.

Criscennu ti purtavumu li ziti
passiannu pi la chiazza vucciriusa:
cu coni e cialdi, puru li graniti

parevunu la petra cchiù priziusa.
Ti n'isti, oggi. Ma comu li miti
ddà lapa, chidda tua, n' sarà mai chiusa.