A mio figlio

Se le mie frasi sconnesse e disperse
ti suoneranno n'anticchia stunate 
pensa che amiamo con lingue diverse,
pensa che andiamo su strade spaiate.

Forse davanti la strada che sudo
non capirai le mie mezze parole,
tutti i miei passi che mettono a nudo
l'anima nata e bruciata nel sole.

Quando vedrai che cammino più lento
tu, figlio caro, non starmi a guardare
ma corri forte e cavalca il tuo vento

corri là dove non posso arrivare:
l'eco che rimbomberà più lontano
dentro ti bolle nel sangue isolano.

Umbria

Quannu ccà arrivai 'i luntanu
mi pigghiasti a tumpulati
cu sti virdi e santi manu,
cu sti petri 'nzuccarati:
senza addumannari nenti
mi stinnevi nu tappitu
chinu 'i sogni, chinu 'i genti
e pigghiasti a mia pi zitu.

Comu a quelli ca nel mare
câ varcuzza vanno avanti
e non sanu dove andare
cu li reti ormai vacanti,
ju circava un porto amato 
dove l'àncora ancurari,
e alla fine son sbarcato
su una terra senza mari.

Senza mare m'ê 'mparato
il colore de' tramonti,
tutto l'oro che hai serbato
sopra i campi e nto li monti:
or che i tribbli enno tanti
e se sguilla e bubbla assai
tu t'intigni a dimme: "Avanti,
de morì n' se more mai".

Binnu

Leggiu a leggiu, mutu mutu,
ni futtisti a tutti pari,
tu ca 'i merda n'ha' inchiutu
strati, chiazzi, scogghi e mari;
bestia vili, vecchiu pazzu
'n faccia a morti, ti spiassi:
"Chi ci uscasti, curnutazzu,
su fineru ccà i to passi?"

Ma dumanni ci nn'è picca
stamu muti pi rispettu
nun pi tia, ma pi la ricca
Signuruzza, niura 'n pettu,
ca livedda tutti cosi:
l'assassini e l'innuccenti
tutti 'nsemmula li vosi
cu si chiama Onniputenti.

E tu a leggiu, mutu mutu
ni futtisti tutti pari:
ccà davanti ô to tabbutu
nun c'è nenti da pruvari,
nun c'è amuri, nun c'è raggia
nun c'è mancu cchiù cuscenza.
Ni chiuristi ndà na caggia
china 'i vota indifferenza.

Jaddini e falconi

Stujativi u musu,
signori e assissori:
ndà l'acqua u purtusu
si stampa e poi mori.

Su la malavita
l'aviti stampata
ndâ facci e ndà l'ita,
nun c'è sciniggiata,
mimoria, duluri
e mancu giustizzia:
prijati u Signuri
e jittati munnizza.

Piulàti, mischini:
pâ rivoluzzioni 
su' tanti i jaddini
ma picca i falconi.  

U giganti dê gilati

U suli ca spaccava puru i strati
ni cunsumava i scarpi, l'uti e l'occhi,
e u sancu ca culava dê rinocchi
nun era ca a sustanza di l'estati:

e 'n menzu a pugni, cavuci e pirati
parevi nu giganti, e nui i pirocchi;
vattiavi lu bancuni cu li nocchi
n'arrifriscavi i cori chê gilati.

Criscennu ti purtavumu li ziti
passiannu pi la chiazza vucciriusa:
cu coni e cialdi, puru li graniti

parevunu la petra cchiù priziusa.
Ti n'isti, oggi. Ma comu li miti
ddà lapa, chidda tua, n' sarà mai chiusa.

Cari murticeddi

I ciuri spampinati
ca dormunu ccà 'n costu
su' comu ammammurati
ndô mammuru dô postu:
e ju ca sugnu aria
e ju ca sugnu ventu
cu sta facciazza laria
passìu, e n'haju abbentu.

Intra stu beddu campu
ca u vivu u chiama santu
ju l'ummira nun stampu,
e n' jettu uci ô cantu:
i sensi l'haju muti
ca almenu su' vint'anni
ma l'arma nun m’a stuti,
Signuri dê malanni!

Signuri dê malanni
malanni chisti sunu
e u munnu ca cundanni
cundanna chiù nissunu;
sti jorna sunu santi
ormai ccà dintra sulu:
chê maschiri e chê scanti
ni pigghianu pô culu.

Stanotti fazzu luna,
c'a notti è scunsacrata:
di mia nuddu s'adduna
e a tavula cunzata
scunzata pi mia arresta:
pê morti chiddi veri
cchiù nun si fa la festa,
e jemu sempri arreri.

Signuri dê malanni
ccà nui muremu ancora
su nichi, menzi e ranni
ni chiurunu ccà fora:
inchìtini di ciatu,
rapiti i purticeddi,
vasativi u passatu
chê cari murticeddi.

Cimìa

Ci su' paroli
ca si ni stannu ancora 'mmucciati,
e jocanu comu i carusi
supra gli scogghi, di sira
ndâ 'stati.

Ci sunu mari
e muntagni ca nun canuscemu:
taliannuci muti e luntani
ni chiamanu sempri e niautri
n' sintemu.

Ci sunu storî
ca mancu u celu sapi cuntari:
n'aspettanu chê manu isati
comu cumpagni 'i na vota,  
chiazzari.

Na vita intera
forsi nun basta: ccà accantu a tia
è sempri na strata addumata
ca m'arricria, e lu passu
cimìa.